此為 hket App 限定文章
免費下載即享足本內容
前往
掃描開啟:

【張敬軒演唱會】COLLAR任嘉賓唱跳 軒公自嘲:真係有老人家心【多圖】

娛樂App專區 16:54 2022/05/27

分享:

分享:

鄧麗欣及COLLAR任《張敬軒THE NEXT 20》表演嘉賓。

《張敬軒THE NEXT 20》的第23場演唱會在昨晚(5月26日)舉行,軒公請來鄧麗欣(Stephy)及女團COLLAR的沈貞巧(Gao)、邱彥筒(Marf)、許軼(Day)、蘇雅琳(Ivy So)、王家晴(Candy)、蘇芷晴(So Ching)、李芯駖(Sumling)和陳泳伽(WINKA)任嘉賓。

由軒仔變成軒公的他先與Stephy懷緬過去兩人合作電影《十分愛》的日子,繼而再坐上樂壇「關愛座」,笑指COLLAR送的禮物似去老人院探病義工般「咁有老人家心」,並祝她們星途燦爛。
 
軒公昨晚台上稱,人生中有一項工作他甚少涉獵,就是拍電影。曾經他拍過一部電影,但上映後多年自己一次也不夠膽翻看,因為當年的樣子又乾又瘦又冇運行。但這部電影就讓他識一位好朋友,繼而介紹Stephy出場,兩人甜蜜蜜手拖手合唱《十分愛》。

【張敬軒演唱會】邀15年前電影對手鄧麗欣任嘉賓 軒仔重提昔日戀情抽水

最新影片推介:余德丞專訪

COLLAR登上「聖殿」

至於到安歌環節,軒公說:「近年樂壇風氣唔同左,歌手不是再一定由唱片公司推介,係由觀眾選出心中super star,我好鐘意睇比賽節目,過程當中睇住這些小朋友過五關斬六將踏上更高舞台。」

然後他介紹稱:「以下呢班小妹妹,我係一次工作當中見到佢哋,所以好希望今晚借觀眾雙手,比佢哋感受一下紅館呢個聖殿。」然後請COLLAR出場。

當COLLAR升上台後,軒公叫她們向觀眾自我介紹:「歡迎咁多位妹妹,見你地一步一步進步,好感動,希望你哋之後星途燦爛,今晚由觀眾為你地加冕。依家叔叔落台欣賞你地表演。」

不過她們就把軒公叫住並表示有禮物送,然後拿出一籃醬汁:「我哋祝你愈食愈好,作品愈來愈高汁,有啖好食啦你。」

點擊圖片放大
+6
+5

COLLAR跳唱《Call my name!》

軒公收到這籃禮物,笑言:「你哋真係有老人家心。各位睇下,依家啲後生,送禮好似去老人院探病咁,我呢位院友多謝咁多位義工…哈哈…叔叔降番落去先,轉頭帶你地去睇金魚……」

COLLAR即圍住軒公睇佢降台並講拜拜,軒公又忍唔住口:「嘩,呢個角度(低炒)望你哋,真係大吉利是……」逗得觀眾拍掌大笑,繼而COLLAR落力跳唱她們的首本名曲《Call  my name》。
 
此外,昨晚軒公於天梯上唱到《On my way》時,現場音響出現接收問題,其中有幾秒突然「失聲」。

軒公十分專業,臨危不亂照把整首歌唱完,而現場觀眾也十分令人感動,知道是機器故障,都跟著拍手幫軒公大合唱,唱完於天梯降番落地面的軒公,笑著向觀眾道歉:「表演似人生咁,往往都有意外,好多時生活上遇到困難時侯,無論生活當中出現什麼突然其來變化都好,我都要身處行業成日講個句:The Show Must Go On,thank you 。」

點擊圖片放大
+6
+5

設備出現故障

一直要求帶給觀眾最完美、最優質的表演的軒公,似是完騷後心中仍放不下這次少少瑕疵,於IG有感而發: 「今晚係23場以嚟最多設備、技術及人為故障的一晚,我代表我個人以及製作團隊向今晚入場支持嘅觀眾致歉!」

他再續指:「作為一個專業表演者及製作團隊,我哋有義務要每晚都為觀眾帶來相當水準、負責任嘅演出。」

軒公最後並寄語製作團隊保持謙卑、好學、能接受意見並且時刻自我反省,切勿自信和驕傲。

撰文 : TOPick柴犬出動